اكد الرئيس المصري عبدالفتاح السيسي، في كلمة للشعب المصري انه لا يخاف. معتبرا ان مصر ليست بدولة حقيقية.
وافاد موقع "سي ان ان" الخميس، ان السيسي قال ذلك خلال كلمة بمناسبة الاحتفال بإعطاء إشارة البدء لحصاد القمح بمشروع المليون ونصف المليون فدان بمنطقة سهل الغاب بالفرافرة في الوادي الجديد.
واوضح ان اهالي الاسكندرية اثناء مروره على البحر بعد تحيته قالوا له كلمة اعتبرها غريبة جدا وهي "متخفش احنا معاك". مشيرا الى انه لم يستطع ان يرد عليهم لانه لم تكن هناك فرصة.
وقال السيسي: "سأرد عليهم من هنا ولكل المصريين، شوفوا اللي يقف يوم 3 يوليو ما بيخفش خالص انتوا مش وخدين بالكم، وأخص هنا قوى الشر كلها اللي يقف في نوفمبر 2013 يدعو إلى الحوار مع النظام في هذا الوقت ما بيخفش اللي يقف في الكلية الحربية في يناير يقول إن مصر تدخل في نفق مظلم نتيجة هذه السياسات ما بيخفش اللي يقف يقول بأعطي مهلة 7 أيام لإنهاء الأزمة ما بيخفش اللي يعطي 48 ساعة أخرى ما بيخفش".
واضاف: "وأنا بقول هذا الكلام عشان أطمنهم هما الأول أطمن كل مصري يمكن يكون من كتر زحمة الأحداث حدث له قلق، أنا أخذت ألفين قرار خلال السنتين ونصف الماضية، واللي يأخذ القرار مايخفش".
واكد الرئيس المصري انه لا يخاف، مشيرا الى انه لم يكن يخشى شيئا لم يكن قد تحقق ما حققه ولو بعد 10 سنوات.
واعتبر السيسي أن "مصر يجب أن تكون دولة حقيقية"، وقال: "إحنا مش في دولة حقيقية.. دي أشباه دولة مش دولة حقيقية.. إحنا بنتكلم عن دولة قانون ومؤسسات.. دولة تحترم نفسها والعالم يحترمها، واوعوا تفتكروا إن الكلام ده هيتعمل والناس هتسيبنا.. لأ الناس مش هتسيبنا وكل ما تنجحوا أكثر كل ما أهل الشر هيدوروا على مكائد أكثر.. خلوا بالكم".
